Святлана Алексіевіч: Нас павінен выйсці на вуліцу мільён

Дыялог з дыктатарам немагчымы.

Нобелеўская лаўрэатка заявіла, што дыялог з дыктатарам немагчымы.

– Я думаю, што пры Лукашэнку – не, – сказала Святлана Алексіевіч на «Эху Москвы». – Ну якая Канстытуцыя можа быць зробленая пад ягоным кіраўніцтвам? Пасля таго, калі столькі людзей прыніжана, калі столькі скалечана, і краіна ператварылася ў лагер нейкі вайсковы, ну як можна верыць чалавеку, які гэта ўсё зрабіў, што ён будзе рабіць дэмакратычную Канстытуцыю?

Вядома ж, не. Я думаю, што вясной, напэўна (можа быць, раней), проста адбудзецца выбух. Цяпер адбываецца назапашванне.

Я спадзяюся, што беларусы не будуць ваяваць. Я не хацела б крыві. Але я спадзяюся, што мільён выйдзе на вуліцу. Нас павінен выйсці на вуліцу мільён.