У Менску, Гародні і Берасці затрыманыя больш як 300 удзельнікаў акцый пратэсту

Пратэсты ў Беларусі не сціхаюць са жніўня.

У нядзелю ў шэрагу гарадоў Беларусі прайшлі традыцыйныя ўжо акцыі пратэсту супраць рэжыму Лукашэнкі.

Паводле звестак праваабарончага цэнтра "Вясна", да вечару ў Менску, Гародні і Берасці былі затрыманыя 215 чалавек. У іх ліку – некалькі журналістаў агенцтва БелаПАН і журналістка агенцтва "Інтэрфакс-Захад".

У сваю чаргу ГУУС Беларусі паведаміла пра тое, што затрыманыя больш як 300 чалавек.