Заўтра ў Беларусі зноў даражэе аўтамабільнае паліва

Гэта пятае змяненне коштаў на аўтамабільнае паліва сёлета.

З 2 лютага ў Беларусі раздробныя кошты на дызельнае паліва і аўтамабільны бензін вырастуць на 1 капейку. Пра гэта паведамілі tut.by у прэс-службе «Белнафтахіма».

З 2 лютага кошт 1 літра бензіну АІ-92-К5-Еўра складзе 1 рубель 69 капеек, АІ-95-К5-Еўра – 1 рубель 79 капеек, АІ-98-К5-Еўра – 2 рублі 1 капейку, ДП – 1 рубель 79 капеек.

Гэта пятае змяненне коштаў на аўтамабільнае паліва сёлета. Апошні раз кошт на паліва змяняўся 26 студзеня: дызель і бензіны падаражэлі на 1 капейку.

Нагадаем, напярэдадні старшыня канцэрна «Белнафтахім» Андрэй Рыбакоў апавёў, як будзе змяняцца кошт бензіну на запраўках. Ён падкрэсліў, што мяркуе аптымальнай выбраную стратэгію паэтапнага павышэння коштаў на паліва.

Паводле словаў старшыні канцэрна, на сусветным рынку кошты на вуглевадародную сыравіну ўпэўнена растуць. Некаторыя эксперты мяркуюць, што кошт на нафту можа перавысіць 80 даляраў за бараль.

– Нагадаю, што для беларускіх НПЗ кошт на нафту расце яшчэ і за кошт падатковага манеўру, і ў 2020 годзе ён ужо будзе складаць (з улікам выплачваных мытаў на нафтапрадукты) блізу 83% ад сусветнага, – патлумачыў Андрэй Рыбакоў. – Мы бачым, колькі каштуе паліва ў краінах з рынкавым коштаўтварэннем на дадзены тавар, таму пэўныя карэктаванні ўзроўню коштаў спатрэбяцца.