Яшчэ адзін украінец заразіўся каронавірусам на круізным лайнеры
- 10.02.2020, 16:26
- 13,090
Ён з'яўляецца чальцом экіпажа.
Усяго на борце Diamond Princess знаходзяцца 25 грамадзян Украіны, усе яны - чальцы экіпажа, піша liga.net.
На борце заблакаванага ля берагоў Японіі круізнага лайнера Diamond Princess выявілі другі выпадак заражэння новым штамам каронавірусу ў грамадзяніна Украіна. Пра гэта паведамляе Цэнтр грамадскага здароўя Міністэрства аховы здароўя.
Абодва ўкраінцы - чальцы экіпажа. Іх даставілі ў лякарню сталічнай акругі, дзе яны прабудуць у ізаляцыі пад наглядам медыкаў цягам як мінімум двух тыдняў.
На 10 лютага праверылі на заражэнне 439 з амаль 3700 пасажыраў і чальцоў экіпажа лайнера. Зафіксаваныя 135 выпадкаў заражэння.