27 лютага 2020, Чацвер, 8:55
Засталося зусім крыху
Рубрыкі

Беларусы сталі атрымліваць даражэйшыя квітанцыі

16
Беларусы сталі атрымліваць даражэйшыя квітанцыі
ФОТА: TUT.BY

Аплата камунальных паслуг за студзень атрымалася значна большай, чым за снежань.

Слуцакі, якія аплачваюць камунальныя паслугі праз інтэрнэт-банкінг да атрымання квітанцый, распавялі «Кур'ер», што заплацілі за студзень значна больш, чым за снежань. Журналісты параўналі, на колькі змяніліся тарыфы, і даведаліся ў разлікова-касавым цэнтры, чаму жыхарам Слуцка давялося заплаціць больш.

У аўторак, 12 лютага, жыхарка Слуцка распавяла, што за снежань аплаціла па квітанцыі 98 рублёў, а за студзень - ужо 111 рублёў. Гэта на 13 рублёў больш (або +12%). Іншая жыхарка палічыла, што заплаціла на 34% больш. У снежні ёй было выстаўлена 79,87 рубля, у студзені стала 107,58 рубля. «Разам: падаражэла на 27,71 рубля», - патлумачыла жанчына. Квітанцый яшчэ няма, таму яна не зразумела, за што менавіта так паднялася аплата.

Як змяніліся тарыфы

Гранічна дапушчальныя тарыфы на 2020 год былі ўсталяваныя ўказам Лукашэнкі №490. У 2020 годзе павышэнне тарыфаў на жыллёва-камунальныя паслугі адбудзецца двойчы: з 1 студзеня і 1 чэрвеня. З пачатку года ўжо выраслі тарыфы на газа-, электра- і водазабеспячэнне, водаадвядзенне, капрамонт, санітарнае ўтрыманне дапаможных памяшканняў жылога дома, а таксама сумы кампенсацыі выдаткаў на электраэнэргію і вываз цвёрдых камунальных адкідаў.

У Слуцкім раёне тарыфы фармуюцца ў адпаведнасці з пастановамі Менскага аблвыканкама і не павінны быць вышэйшыя за гранічна дапушчальныя, якія зацвердзіў дыктатар.

Тарыфы з 1 студзеня 2020 года у Слуцкім раёне, у рублях (субсідаваныя/поўныя):

Капрамонт (за 1 кв. м) - 0,13/0,13 (было 0,1001)

Водазабеспячэнне (за 1 куб) - 0,9384/0,9871 (было 0,8338)

Каналізацыя (за 1 кубаметр) - 0,7749/0,8144 (было 0,6383)

Абслугоўванне ліфту (на 1 чал.) - 1,44/1,63 (было 1,40)

Вываз цвёрдых бытавых адкідаў (з смеццеправодам) (за 1 куб) - 9,8701/10,3228 (было 8,9169);

Асвятленне дапаможных памяшканняў (на 1 чал.) - 0,65 (было 0,60)

Электраэнэргія на працу ліфтаў (на 1 чал.) - 0,72 (было 0,66)

Плата за тэхабслугоўванне не змянілася і складае (1 кв. м) 0,1187 руб.

Эканамічна абгрунтаваны тарыф за цеплазабеспячэнне павялічыўся з 1 студзеня з 88,99 да 92,25 рубля за 1 Гкал. Аплата залежыць ад аб'ёму спажывання.

У цэлым за год рост тарыфаў не павінен перавысіць 5 даляраў у эквіваленце ў разліку для тыпавой «двушкі» з трыма жыхарамі.

Чаму аплата за студзень атрымалася значна большая, чым за снежань

Як патлумачылі спецыялісты Слуцкага разлікова-касавага цэнтра, у квітанцыях за снежань да аплаты былі выстаўленыя меншыя сумы, таму што быў праведзены пераразлік за перыяд з сакавіка да снежня за асвятленне месцаў агульнага карыстання і за працу ліфта, таму і выніковыя сумы адрозніваюцца. Для правільнага параўнання трэба глядзець, якая сума за снежань указаная ў графе без пераразліку.

Акрамя таго, выніковая сума да аплаты па некаторых пазіцыях залежыць ад аб'ёмаў спажывання. Гэта індывідуальна для кожнага кватэраздымшчыка.

Квітанцыі з поўнымі налічэннямі прыйдуць уладальнікам жылля не пазней за 15 лютага.