Амерыканскія сенатары паабяцалі Зяленскаму ўзмацніць падтрымку Украіны
1- 14.02.2020, 20:41
- 16,832
Сенатары Рон Джонсан, Джон Барасо і Крыс Мэрфі правялі перамовы з прэзідэнтам Украіны ў Кіеве.
Сенатары Рон Джонсан, Джон Барасо і Крыс Мэрфі наведалі ў пятніцу Кіеў для ўдзелу ў перамовах з прэзідэнтам Украіны Уладзімірам Зяленскім. Пра гэта паведамілі ў пасольстве ЗША ва Украіне, паведамляе «Голос Америки».
У паведамленні, апублікаваным на афіцыйнай старонцы амбасады ў Фэйсбуку, гаворыцца, што «сенатары сустрэліся сёння з прэзідэнтам Зяленскім, каб узмацніць нязменную двухпартыйную падтрымку ЗША Украіне і партнёрства» паміж дзвюма краінамі.
Сенатар Крыс Мэрфі напісаў у сваім Твітары пра свае ўражанні ад сустрэчы з украінскім прэзідэнтам.
Just finished our meeting w Ukrainian President Zelensky. I remain very impressed.
— Chris Murphy (@ChrisMurphyCT) February 14, 2020
I told him that in every challenge there is an opportunity. In the wake of impeachment, Congress should increase support for Ukraine. And Zelensky gave us a list of new ways to help.
«Я застаюся пад вялікім уражаннем. Я сказаў яму [Зяленскаму], што ў кожнай праблеме ёсць магчымасць. Пасля імпічменту Кангрэс павінен узмацніць падтрымку Украіны. І Зяленскі падаў нам спіс новых спосабаў дапамогі», - адзначыў сенатар.
«Я думаю, мы ўсе ўпэўненыя ў тым, што прэзідэнт Зяленскі не жадае ўмешвацца ў амерыканскую палітыку, і мы спадзяёмся, што любы ціск з гэтай мэтай, які існаваў у мінулым, завяршыўся», - заявіў дэмакрат Крыс Мэрфі пасля сустрэчы з украінскім лідарам.
«Наша пасланне ў тым, што мы хочам пакінуць ззаду гэтае пытанне з імпічментам, і мы хочам рухацца сумесна, рэспубліканцы і дэмакраты, падтрымліваючы Украіну», - дадаў Мэрфі.