Турэцкі спецназ перапраўляецца ў Ідліб

Войскі знаходзяцца недалёка ад мяжы Сірыі.

Турцыя накіроўвае свае войскі спецыяльнага прызначэння ў сірыйскую правінцыю Ідліб, атрады размесцяцца ля пунктаў назірання. Пра гэта паведамляе «Зеркало недели. Украина» са спасылкай на «Анадолу».

Выданне паведамляе, што калона з 60-ці БТР з атрадамі спецназа прыбыла ў раён Рэйханлі паўднёвай турэцкай правінцыі Хатай, якая мяжуе з Сірыяй.

Адзначаецца, што да пунктаў назірання таксама будуць перададзеныя комплексы радыёэлектроннай барацьбы (РЭБ).

Вядома, што 12 пунктаў назірання Турцыі на тэрыторыі Сірыі - вынік астанінскіх дамоўленасцей, іх асноўная мэта - маніторынг рэжыму замірэння.