У Еўропе зафіксавалі першую смерць ад каранавіруса
2- 15.02.2020, 14:30
- 18,093
На сёння больш за 67 інфікаваныя вірусам.
У Францыі памерла кітайская турыстка, якая была інфікаваная новым смяротным каранавірусам. Гэта першы такі лятальны выпадак за межамі Азіі. Ахвярай стала 80-гадовая жанчына з кітайскай правінцыі Хубэй, заявіла міністарка аховы здароўя Францыі Агнэс Бузін, паведамляе ВВС.
Турыстка прыбыла ў Францыю 16 студзеня і знаходзілася ў карантыне ў лякарні з 25 студзеня.
Раней за межамі мацерыковага Кітая было зафіксавана толькі тры смерці ад каранавіруса - у Ганконгу, на Філіпінах і ў Японіі.
Адзначым, што, з апошніх звестак, больш за 67 тысяч чалавек інфікаваныя кітайскім каранавірусам, больш за 1,5 тысячы памерлі. У той жа час больш за 8 тысячам інфікаваных удалося паспяхова вылечыць.