Ландсбэргіс: БелАЭС была створаная не толькі для помсты Літве, але і для знікнення Беларусі
8- 15.02.2020, 18:23
- 16,708
Літоўскі палітык заклікае не маўчаць пра Астравецкую АЭС.
Са слоў прафесара Вітаўтаса Ландсбэргіса, Літва не можа маўчаць пра будаўніцтва Астравецкай атамнай электрастанцыі (АЭС) на мяжы з Беларуссю. Гэта, кажа прафесар, азначала б капітуляцыю. В. Ландсбэргіс адзначае, што супраціў Літвы з'яўляецца абаронай суседняй Беларусі ад расейскага ўплыву, паведамляе delfi.lt.
«Пакуль мы ёсць, мы будзем супраціўляцца. Маўчанне ягнятаў было б капітуляцыяй», - заявіў В. Ландсбэргіс у суботу.
З ягоных слоў, словы прэзідэнта Гітанаса Науседы пра тое, што рух супраць БелАЭС занадта запознены, толькі прымушаюць гаварыць гучней.
«Прэзідэнт кажа стрымана - мы будзем працаваць з большым натхненнем, чым у апошнія 10 гадоў, - але ён здзіўлены, чаму мы яшчэ сур'ёзна не выступілі супраць на міжнародным узроўні. Вось чаму мы з'яўляемся. Мы бачым, што нашы апаненты з Літвы - сябры бомбы Астраўца - усё больш нярвуюцца», - сказаў прафесар В. Ландсбэргіс.
«Калі Астравец абудзіць нас, каб жыць, жыць прыстойна, гэта будзе вялікай перавагай гэтага монстра», - працягнуў ён. Пры гэтым прафесар падкрэсліў, што, з ягоных слоў, супраціў Літвы Астравецкай АЭС з'яўляецца абаронай незалежнасці Беларусі.
«Астравецкая АЭС, або беларуская АЭС у Астраўцы, з'яўляецца апошнім скрыжаваннем для абложанай сястры Беларусі. Заставацца на расейскім баку або растаць? Відавочна, што Астравец быў створаны не толькі для таго, каб адпомсціць незалежнай Літве, але і для знікнення Беларусі. Мы не хочам , каб яна знікла», - дадаў В. Ландсбергіс.