Невядомы зладзіў стральбу па людзях у цэнтры Калінінграда

Адна з загінулых магла быць цяжарнай.

Невядомы зладзіў стральбу каля калінінградскага Цэнтральнага рынку на вуліцы Баранава, піша РБК. Мужчына і жонка памерлі на месцы. «Новый Калининград» паведамляў, што яны былі мужам і жонкай і гандлявалі на рынку. Акрамя таго, раненні атрымаў падлетак, яго даставілі ў лякарню. Як паведамляе «Клопс» са спасылкай на відавочцаў, загінулая жанчына была цяжарнай.

СК распачаў крымінальную справу ў дачыненні да 63-гадовага мужчыны. Паводле версіі следства, піша «Клопс», ён адкрыў агонь учора блізу 19:00 (20:00 паводле Менску). На месцы працуе следчая група, праваахоўныя органы ўдакладняюць абставіны здарэння, у тым ліку матывы стрэлка.

Пазней стала вядома, што мужчына, які зладзіў стральбу ў цэнтры Калінінграда, у выніку якой загінулі два чалавекі, памёр у рэанімацыі. Пра гэта паведамляе РІА «Новости» са спасылкай на прадстаўніцу рэгіянальнай следчай управы СК Наталлю Гацко. Мясцовыя СМІ паведамлялі, што пасля пачатку страляніны ён спрабаваў скончыць з сабой.

Паводле папярэдніх звестак, падставай для здарэння стала асабістая непрыязнасць, дадала Гацко.