Названыя самыя эканамічныя бензінавыя аўто ў Еўропе
- 16.02.2020, 19:14
- 17,058
Спецыялісты склалі рэйтынг з даступных аўто.
Спецыялісты брытанскага выдання What Car склалі рэйтынг самых эканамічных і бензінавых аўтамабіляў у Еўропе, піша korrespondent.net.
Дзясятае месца ў спісе заняла Dacia Sandero 0,9 TCe, якая з'яўляецца самай таннай машынай на рынку Вялікабрытаніі. Выдатак паліва аўтамабіля складае 4,45 л на 100 км.
Прыступкай вышэй стаіць Seat Leon з 1,0-літровым рухавіком, які расходуе на 100 км 4,43 л паліва.
На восьмым і сёмым радку размясціліся Kia Picanto 1,0 і Volkswagen Up 1,0 TSI 90 з вынікамі 4,41 л і 4,38 л адпаведна.
Шостае месца займае Seat Ibiza 1,0 TSI 95 - расход паліва мадэлі на 100 км роўны 4,35 л.
Замыкае топ-5 рэйтынгу мадэль Suzuki Baleno з 1,0-літровым рухавіком. Пасля пераадолення 100 км бак аўтамабіля апусцее на 4,26 л.
Такі ж расход зафіксаваны ў Skoda Citigo 1,0. Аднак такія аўтамабілі цяпер даступныя толькі на другасным рынку, бо вытворца замяніў аўтамабіль на электрычную мадэль.
Трэцюю пазіцыю заняў Volkswagen Up 1,0 75 з вынікам 4,21 л на 100 км.
Другое месца было прысуджанае Suzuki Celerio 1,0, бо расход паліва аўтамабіля складае 4,07 л на 100 км.
Абсалютным лідарам рэйтынгу стаў Suzuki Ignis 1,2 SHVS. Гэта мяккі гібрыд, і электрычная «даважка» дазваляе аўтамабілю расходаваць на 100 км усяго блізу 3,95 л.