ЕЗ падоўжыў эмбарга на пастаўкі зброі ў Беларусь
3- 17.02.2020, 12:46
- 8,611
А таксама санкцыі ў дачыненні да чатырох персон.
Еўразвя падоўжыў на год эмбарга на пастаўкі зброі ў Беларусь і персанальныя санкцыі супраць чатырох чалавек. Пра гэта паведамляе прэс-служба Рады ЕЗ, піша tut.by.
- Сёння Рада пастанавіла працягнуць абмежавальныя меры ў дачыненні да Беларусі на адзін год, да 28 лютага 2021 года. Гэтыя меры ўключаюць эмбарга на пастаўкі зброі і абсталявання, якое можа быць выкарыстана для ўнутраных рэпрэсій, а таксама ўключаюць у сябе забарону на замарожванне актываў і забарону на паездкі чатырох чалавек, назначаныя ў сувязі са знікненнямі двух апазіцыйных палітыкаў, аднаго бізнэсоўца і аднаго журналіста ў 1999 годзе, і ў 2000 годзе, - гаворыцца ў пастанове Рады.
Рада таксама падоўжыла пастанову, якая дазваляе экспарт біятлоннага абсталявання, спартыўных вінтовак і спартыўных пісталетаў у Беларусь.
Афіцыйна эмбарга ўвойдзе ў дзеянне пасля публікацыі ў Афіцыйным часопісе ЕЗ 18 лютага 2020 года.
Нагадаем, эмбарга на пастаўку зброі было ўведзенае ў 2011 годзе. 15 лютага 2016 года Еўразвяз зняў амаль усе санкцыі з Беларусі, але захаваў эмбарга на пастаўкі зброі і санкцыі супраць чатырох чалавек, якія дзейнічаюць з 2004 года: Навумава, Шэймана, Сівакова і Паўлічэнкі. Іх у Брусэлі падазраюць у дачыненні да знікнення экс-міністра ўнутраных спраў Юрыя Захаранкі, палітыка Віктара Ганчара, бізнэсоўца Анатоля Красоўскага і журналіста Дзмітрыя Завадскага ў 1999-2000 гадах.
У 2017 годзе з гэтага зброевага пераліку былі выключаны біятлонныя стрэльбы.