31 сакавiка 2020, aўторак, 19:43
Народны карантын
Рубрыкі

У Брытаніі трэці дзень бушуе магутны шторм

2
У Брытаніі трэці дзень бушуе магутны шторм
ІЛЮСТРАЦЫЙНАЕ ФОТА: ВВС

У краіне моцныя паводкі і паралізаваныя дарогі.

Вялікабрытанія перажывае трэці дзень моцных паводак і хаосу на дарогах праз праліўныя дажджы і вецер, якія прынёс шторм «Дэніс».

Пра гэта паведамляе «Европейская правда» са спасылкай на BBC.

Паводле стану на раніцу панядзелка па ўсёй Брытаніі дзейнічаюць больш за 300 папярэджанняў аб паводках, у тым ліку - пяць сур'ёзных папярэджанняў у Англіі, якія лічацца небяспечнымі для жыцця.

АЭРАЗДЫМКА СЯЛА КРЫКХАВЕЛ ВА ЎЭЛЬСЕ

Урадавы орган Natural Resources Wales назваў маштаб паводак «беспрэцэдэнтным» - узровень пад'ёму вады ў рэках у гэтыя выходныя быў самым высокім за апошнія 40 гадоў. Некалькі школ былі зачыненыя, а дарогі - заблакаваныя праз затапленне і апоўзняў.

Магчымасць падарожнічаць, як і раней, ускладненая па ўсёй краіне. Некаторыя важныя аўтадарогі зачыненыя ў Стафордшыр і Нотынгемшыр у Англіі і ў Поуйсе і Монмутшыры ва Уэльсе. Частка дарог зачынена таксама ў Шатландыі. Ёсць цяжкасці з праездам па чыгунцы ў многіх рэгіёнах краіны.

У мястэчку Тэнбуры Уэлс, што ў графстве Вустэршыр, людзей эвакуіравалі з дамоў на лодках. Гарадскія ўлады папярэдзілі пра магчымую неабходнасць дадатковай эвакуацыі.

У суботу два чалавекі патанулі ў Паўночным моры падчас шторму.

А ў лонданскім аэрапорце Хітроў двум пілотам удалося ў шторм паспяхова пасадзіць найбуйнейшы ў свеце пасажырскі самалёт.

ТЭНБУРЫ УЭЛС, ГРАФСТВА ВУСТЭРШЫР