БДУ павысіць кошты на адукацыю ад 1 сакавіка
12- 19.02.2020, 10:48
- 14,950
Для тых, хто ўжо заплаціў, зробяць пераразлік.
Беларускі дзяржаўны ўніверсітэт плануе павысіць кошты на адукацыю ад 1 сакавіка на блізу 12%, піша svaboda.org. У прэс-службе БДУ патлумачылі, што робяць гэта «для прывядзення іх у адпаведнасць з рэальнымі выдаткамі».
Паводле прэс-службы БДУ, тым, хто ўжо заплаціў за навучанне, зробяць пераразлік за чатыры месяцы, якія застануцца да канца навучальнага года.
На сайце «Студэнцкая думка» апублікаванае фота новых коштаў. У прэс-службе БДУ сказалі, што той публікацыі не бачылі, таму не могуць пацвердзіць або аспрэчыць лікі.
«Як толькі іх палічаць і пацвердзяць, гэтыя кошты будуць афіцыйна размешчаныя на сайце ўніверсітэта ў раздзеле "Платныя паслугі"», – сказалі ў прэс-службе.
На момант публікацыі іншыя ўніверсітэты Беларусі не абвяшчалі пра падвышэнне коштаў на навучанне.