Эрдаган высунуў новы ўльтыматум хаўрусніку Пуціна ў Сірыі
8- 19.02.2020, 14:48
- 12,027
Новая аперацыя турэцкага войска непазбежная.
Прэзідэнт Турцыі Раджэп Таіп Эрдаган у сераду прыстрашыў пачаць аперацыю ў правінцыі Ідліб у Сірыі да канца месяца, калі Дамаск не завядзе войскі за лінію турэцкіх вайсковых пастоў, паведамляе Al Jazeera.
"Аперацыя ў Ідлібе непазбежная", - сказаў Эрдаган перад парламентарыямі сваёй партыі ў парламенце. "Мы пачалі адлік, мы робім канчатковае папярэджанне".
Эрдаган заявіў, што перамовы з Расеяй у паўночна-заходнім сірыйскаму рэгіёне Ідліб далёка не задаволілі патрабаванні Турцыі, і папярэдзіў, што вайсковая аперацыя - гэта "пытанне часу".
Эрдаган заявіў, што Турцыя пастанавіла зрабіць Ідліб бяспечнай зонай "незалежна ад выдаткаў", нават нягледзячы на крах перамоў з Расеяй, якая падтрымлівае сілы сірыйскага прэзідэнта Башара Асада.
Гэтыя заявы з'явіліся на фоне таго, як сірыйскія войскі пры падтрымцы Расеі вядуць наступ на апошні вялікі паўстанцкі анклаў краіны.