Амбасадар ЗША ў Нямеччыне прызначаны дырэктарам Нацыянальнай выведкі
1- 20.02.2020, 9:42
- 6,415
ФОТА: DPA
Дональд Трамп пахваліў ягоную працу.
Амбасадар ЗША ў Нямеччыне Рычард Грэнэл стане новым выканаўцам абавязкаў дырэктара Нацыянальнай выведкі краіны. Прэзідэнт ЗША Дональд Трамп абвесціў пра ягонае прызначэнне ўвечары ў сераду, 19 лютага. Грэнэл "выключна добра" выконваў сваю працу на пасадзе дыпламата, падкрэсліў кіраўнік Белага дому, паведамляе dw.com.
I am pleased to announce that our highly respected Ambassador to Germany, @RichardGrenell, will become the Acting Director of National Intelligence. Rick has represented our Country exceedingly well and I look forward to working with him. I would like to thank Joe Maguire....
— Donald J. Trump (@realDonaldTrump) February 20, 2020
Трамп таксама падзякаваў дзейнаму в.а. дырэктара Нацвыведкі Джозэфу Магуайру за "выдатную працу" і не выключыў, што той атрымае іншую пасаду ў адміністрацыі ЗША. "Мы з нецярпеннем чакаем цеснай працы з ім", – дадаў Дональд Трамп.
Рычард Грэнэл стаў амбасадарам ЗША ў Нямеччыне ў траўні 2018 года. Яго неаднаразова крытыкавалі за рэзкія выказванні на адрас уладаў ФРГ.
Джозэф Магуайр выконваў абавязкі кіраўніка Нацыянальнай выведкі ЗША з 16 жніўня 2019 года. Да гэтага ён кіраваў Нацыянальным цэнтрам барацьбы з тэрарызмам.
