Двое пасажыраў круізнага лайнера Diamond Princess загінулі ад каронавірусу
14- 20.02.2020, 10:26
- 14,139
Лік заражаных дасягнуў 621.
Двое пасажыраў круізнага лайнера Diamond Princess загінулі ад каронавірусу. На стан 20 лютага каронавірус знайшлі ў 621 чалавека сярод 3700, якія знаходзіліся на караблі.
Пра гэта паведамляе УНІАН са спасылкай на японскага вяшчальніка NHK.
Гэта першыя выпадкі смерці сярод пасажыраў і экіпажа судна.
Паводле інфармацыі японскага ўрада, загінулыя – 87-гадовы мужчына і 84-гадовая жанчына, абое японцы.
Мужчыну знялі з карабля 11 лютага, а жанчыну – 12 лютага.
На стан 20 лютага каронавірус знайшлі ў 621 чалавека сярод 3700, якія знаходзіліся на караблі.
Нагадаем, судна Diamond Princess знаходзіцца на карантыне ў Японіі з 4 лютага. Міністэрства аховы здароўя Японіі прыняло такую пастанову пасля таго, як у аднаго з хворых на караблі выявілі каронавірусную інфекцыю 2019-nCoV (СOVID 19).
Усяго на судне 3 700 чалавек з 56 краінаў свету, з якіх 2 700 – пасажыры.