Навукоўцы знайшлі ў Шатландыі самую старажытную выяву воіна
- 20.02.2020, 10:46
- 7,312
Каменю Тулох, на якім знаходзіцца малюнак, блізу 30 тысячаў гадоў.
Навукоўцы здолелі знайсці ў заходняй частцы Пэрта ў Шатландыі самую старажытную выяву воіна. На адным з малюнкаў можна заўважыць чалавека, які трымае ў руцэ дзіду, піша lenta.ua.
Частка каменя з малюнкам была пашкоджаная, з прычыны чаго спецыялістам давялося скарыстацца кампутарным мадэляваннем для аднаўлення сапраўднага малюнка. Мяркуючы з яго, больш за 30 тысячаў гадоў таму людзі ўжо насілі падабенства сучаснага абутку, які ўяўляе з сябе сланцы з павязкамі ў верхняй частцы.
«Знайсці малюнак атрымалася ў старажытным пахаванні. Падобныя аб'екты раней былі выяўленыя ў Паўночнай Шатландыі. Яны датуюцца познім рымскім перыядам. Камень Тулох з'яўляецца толькі адным з трох такіх пікцкіх маналітаў, на якіх захаваліся некаторыя малюнкі. Цяпер ягоны сегмент знаходзіцца на больш дэталёвых лабараторных даследаваннях», – апавялі спецыялісты.
Паводле словаў навукоўцаў, камень пасля вывучэння будзе знаходзіцца ў Музеі Пэрта ў Шатландыі. Паводле папярэдніх звестак, яму можа быць больш за 30 тысячаў гадоў.