Турцыя спрасціла візавы рэжым для шэрагу краін Еўропы

Дазволены тэрмін знаходжання ў краіне складзе 90 дзён.

Пра гэта заявіў прадстаўнік турэцкага МЗС Хамі Аксай, паведамляе "Еўрапейская праўда" са спасылкай на Anadolu.

Паводле ягоных слоў, пастанова была прынятая з мэтай развіцця гандлёвых, эканамічных і культурных сувязяў паміж краінамі, а таксама павелічэння турыстычнай плыні ў Турцыю.

"Пачынаючы з 2 сакавіка 2020 года Турцыя спросціць візавы рэжым для грамадзян шэрагу краін шэнгенскай зоны - Аўстрыі, Бэльгіі, Нідэрландаў, Гішпаніі, Польшчы, а таксама жыхароў Вялікабрытаніі. Дазволены тэрмін знаходжання з турыстычнай візай у Турцыі складзе 90 дзён цягам 180-дзённага перыяду", - гаворыцца ў заяве.