28 сакавiка 2024, Чацвер, 23:49
Падтрымайце
сайт
Сім сім,
Хартыя 97!
Рубрыкі

Вячаслава Сіўчыка трэцім разам асудзілі на 15 дзён

10
Вячаслава Сіўчыка трэцім разам асудзілі на 15 дзён
ВЯЧАСЛАЎ СІЎЧЫК

Прысуд вынесены за абарону незалежнасці Беларусі.

Суддзя суда Партызанскага раёна Менска Наталля Дзядкова прысудзіла лідару руху салідарнасці «Разам» Вячаслава Сіўчыку новыя 15 дзён арышту, паведамляе «Радыё Свабода».

Сіўчыка абвінавацілі ў «парушэнні парадку правядзення масавага мерапрыемства» за акцыю пратэсту супраць інтэграцыі Беларусі і Расеі, якая прайшла 21 снежня 2019 года

Гэта ўжо трэція 15 дзён арышту, якія Сіўчыку прысудзілі ў Партызанскім раённым судзе леташніх снежаньскія акцыі (мінулыя два прысуды - ад суддзі Анатоля Барысёнка). Але магчыма, што гэтыя арышт не апошні: наступнае пасяджэнне адбудзецца ў тым жа судзе 24 лютага.

Два мінулыя прысуды Сіўчыку адкладалі больш, як на месяц, бо падсудны знаходзіўся за мяжой. Але ў выніку актывіста ўсё адно асудзілі завочна. Ён мяркуе, што пракурор сам павінен быў бы абскардзіць такія прысуды.

У пачатку мінулага тыдня ў дачыненні да Сіўчыка спынілі дзве адміністрацыйныя справы за парушэнне заканадаўства аб масавых мерапрыемствах - выйшлі тэрміны даўніны правапарушэнняў.

За снежаньскія акцыі вынеслі прысуды больш як на год арышту і больш за 100 тысяч рублёў штрафаў.

Напісаць каментар 10

Таксама сачыце за акаўнтамі Charter97.org у сацыяльных сетках