26 траўня 2020, aўторак, 7:07
Сім сім, Хартыя 97!
Рубрыкі

Нямецкая паліцыя выявіла відэапасланне стрэлка з Ханау

Нямецкая паліцыя выявіла відэапасланне стрэлка з Ханау
ФОТА: AP

Следства мяркуе, што ён кіраваўся праваэкстрэмісцкімі матывамі.

Меркаваны злачынец, які расстраляных у нямецкім горадзе Ханау ў ноч на чацвер, 20 лютага, як мінімум, дзевяць чалавек, за некалькі дзён да забойства апублікаваў у YouTube відэа. Пра гэта, паводле інфармацыі агенцтва dpa, паведамляюць праваахоўныя органы, якія вядуць расследаванне, піша dw.com.

Свой кліп нейкі Тобіас Р., 43-гадовы немец, які бегла гаворыць па-ангельску, назваў «персанальным пасланнем да ўсіх амерыканцаў». Відэа было знятае на прыватнай кватэры.

У сваім пасланні аўтар відэа заявіў, што нібыта «ў ЗША існуюць падземныя вайсковыя аб'екты, дзе катуюць і забіваюць дзяцей. Там таксама пакланяюцца д'яблу». Грамадзяне Амерыкі, з ягоных слоў, павінны прачнуцца і пачаць барацьбу з такім становішчам рэчаў.

Якога-небудзь указання на тое, што аўтар відэа збіраецца ажыццявіць гвалтоўныя дзеянні ў Нямеччыне, у пасланні не прыводзіцца.

Аднак, як заявіў на прэс-канферэнцыі прадстаўнік Федэральнай пракуратуры Германіі, следства мае сведчанні таго, што меркаваны забойца, магчыма, кіраваўся праваэкстрэмісцкімі матывамі.

У ноч на чацвер у дзвюх кальянных гесэнскага горада Ханау ўначы былі застрэленыя дзевяць чалавек. Затым паліцыя выявіла яшчэ два трупы ў адной з кватэр, сярод іх, імаверна, цела меркаванага злачынца.