7 красавiка 2020, aўторак, 4:29
Заставайся дома!
Рубрыкі

Майкл Блумберг прадасць бізнэс, калі стане прэзідэнтам ЗША

6
Майкл Блумберг прадасць бізнэс, калі стане прэзідэнтам ЗША
МАЙКЛ БЛУМБЕРГ
ФОТА: AP

За 2019 год прыбытак Bloomberg LP перавысіў $10 мільярдаў.

Амерыканскі мільярдэр і кандыдат у прэзідэнты ЗША ад Дэмакратычнай партыі Майкл Блумберг прадасць свой бізнэс у выпадку перамогі на прэзідэнцкіх выбарах, піша nv.ua.

Блумбэрг плануе прадаць Bloomberg LP, фінансавую інфармацыйную кампанію, якая зрабіла яго мільярдэрам.

«У выпадку абрання прэзідэнтам Майкл прадасць кампанію», - заявіла прэс-сакратарка палітыка і бізнэсоўца Галія Слаен.

Працэс продажу кампаніі пачнецца са стварэння сляпога траста.

Bloomberg LP - гэта буйная медыякарпарацыя навін, якая прадае інфармацыю аб рынках каштоўных папер. Паводле інфармацыі аналітыкаў кампаніі Burton-Taylor International Consulting, за 2019 год прыбытак Bloomberg LP перавысіў $10 млрд.

Адзначаецца, што Майкл Блумберг не канкурыруе ў штатах датэрміновага галасавання і плануе ўступіць у выбарчую гонку 3 сакавіка, калі ў супераўторак прагаласуюць 14 штатаў.

Дзейны прэзідэнт ЗША Дональд Трамп не прадаў бізнэс, а перадаў яго ў кіраванне сваім сынам Эрыку і Дональду-малодшаму.