З чым сутыкнулася сям'я з Пінска пасля шквалу публікацый аб заражэнні дзіцяці ВІЧ
14- 20.02.2020, 18:25
- 47,930
«Маму называлі алкагалічкай».
Святлане Дыдышцы, маме Міраславы, не датэлефанавацца. Іх гісторыя ў Беларусі зрабіла эфект узарванай бомбы: у здаровай сям'і ў малой знайшлі ВІЧ-інфекцыю, піша media-polesye.by.
Аб заражанай ВІЧ Міраславе Дыдышцы цяпер ведаюць усе, хто хоць краем вуха сочыць за стужкай навін. Пусты ложачак малой фатаграфавалі і здымалі на відэа. У кватэры змянялі адзін аднаго журналісты.
Навіна прагрымела на ўсю Беларусь: публікацыі на самых папулярных інфармацыйных парталах, сюжэты на тэлеканалах, відэа на YouTube.
Сястра Святланы, Кацярына, адзначае, што цяпер яны не хочуць нічога, акрамя справядлівасці:
- Цяпер працуем толькі са Следчым камітэтам. Адгукнулася пракуратура.
Кацярына тлумачыць, што муж Святланы звяртаўся па дапамогу ў Пінскую міжраённую пракуратуру, але ім адмовілі. 17 лютага сям'і паабяцалі, што супрацоўнік, які не прыняў заяву, будзе пакараны.
У публікацыях навін з'явіліся фатаграфіі дзяцей сям'і Дыдышак, у тым ліку 11-месячнай Міраславы. Бацькі адважыліся зрабіць гісторыю максімальна галоснай. Кацярына кажа, што да праблемы сям'і многія паставіліся са спачуваннем:
- У школе падтрымліваюць. Тэлефанавалі настаўнікі, сацыяльныя педагогі. Прапануюць дапамогу.
Гісторыю Міраславы актыўна абмяркоўвалі чытачы парталаў навін. Думкі выказалі розныя: ад незадаволенасці медыцынскім абслугоўваннем да здагадак, як магло адбыцца заражэнне.
- Такога ў каментарах напісалі! Мы проста ў шоку, - прадаўжае Кацярына, прапаноўвалі тэст на бацькоўства зрабіць. Меркавалі, што дзіця падмянілі. Але яны ж усе (пяцёра дзяцей Дыдышак - Заўвага. Рэд.), як пад капірку.
Сястра кажа, што сям'я гатовая прайсці ўсе тэсты. Каментатары кажуць, што мама Міраславы апухлая. Выглядае, як алкагалічка. - Ну, дык вы падумайце, праз што яна прайшла. Святлана за гэты месяц пасівела. Уся сівая. Яна начамі не спіць, плача - распавядае Кацярына.
З сям'ёй Дыдышак звязваліся экспэрты. У размове з бацькамі абмяркоўвалі, як магло адбыцца заражэнне. Распытвалі, хто прыходзіў дадому, ці ёсць праблемы з алкаголем. Сям'я гатова падаць спіс усіх наведвальнікаў. Блізкія пройдуць неабходныя абследаванні.
Кацярына кажа, што часта тэлефануюць і пішуць простыя людзі. Прапануюць дапамогу, у тым ліку і фінансавую. Але Святлана адмаўляецца.
Са слоў сваячкі, нядаўна Міраславе рабілі магнітна-рэзанансную тамаграфію. Лекары кажуць, што ў дзіцяці цяпер высокая вірусная нагрузка - вялікая колькасць ВІЧ у крыві:
- Думаюць, што ў яе могуць гарэць лёгкія...Чакаем вынікаў абследавання.