30 траўня 2020, Субота, 5:12
Сім сім, Хартыя 97!
Рубрыкі

Паплечнік Саакашвілі выйшаў на волю пасля сямі гадоў у грузінскай турме

Паплечнік Саакашвілі выйшаў на волю пасля сямі гадоў у грузінскай турме
Вано Мерабішвілі
Фотa: Getty Images

Былы міністр унутраных спраў Грузіі выйшаў з турмы і паабяцаў змену ўлады ў краіне.

Экс-міністр унутраных спраў Грузіі Вано Мерабішвілі, які амаль сем гадоў знаходзіўся за кратамі, выйшаў на волю. Пра гэта 20 лютага піша выданне "Грузія Online".

"Даю гарантыю, што за адзін год гэты рэжым будзе зрынуты. Гэта неабходна, каб у краіне пачалося развіццё, каб краіна рухалася наперад, знікла безнадзейнасць", - заявіў Мерабішвілі пасля выхаду з турмы.

Мерабішвілі з'яўляўся найбліжэйшым паплечнікам былога прэзідэнта Грузіі Міхаіла Саакашвілі, які ў Facebook пракаментаваў вызваленне экс-міністра.

"Я вітаю знаходжанне Вано Мерабішвілі на свабодзе пасля шматгадовага зняволення невінаватым. Я ганаруся ягонай непахіснасцю, настойлівасцю і цвёрдасцю. Я згодны з ім у тым, што Іванішвілі [старшыня кіроўнай партыі "Грузінская мара"] абавязкова будзе адлучаны", - напісаў ён.

Мерабішвілі быў затрыманы 21 траўня 2013 года. Яго абвінавачвалі ў перавышэнні службовых паўнамоцтваў у справе аб разгоне акцыі пратэсту 26 траўня 2011 года, у прысваенні чужой маёмасці і марнаванні сродкаў МУС Грузіі, у фальсіфікацыі расследавання справы аб забойстве супрацоўніка "Аб'яднанага банка Грузіі" Сандра Гіргўліяні, учыненага ў 2006 годзе, у подкупе выбаршчыкаў і збіцці грузінскага дэпутата Валерыя Гелашвілі.

У 2014 годзе суд прызнаў Мерабішвілі вінаватым паводле ўсіх спраў і прысудзіў да шасці гадоў і дзевяці месяцаў зняволення.