У пятніцу ў Беларусі чакаецца да +9°С
- 20.02.2020, 19:14
- 6,504
Уначы і раніцай у асобных раёнах магчымы слабы туман.
Да 9 градусаў цяпла чакаецца ў Беларусі 21 лютага, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
Уначы чакаецца пераменная воблачнасць, удзень будзе воблачна з праясненнямі. Будзе без істотных ападкаў, толькі днём па захадзе пройдуць мокры снег, дождж. Уначы і раніцай у асобных раёнах магчымы слабы туман. Вецер прагназуецца паўднёвы 4-9 м/с, удзень месцамі з парывамі да 14 м/с.
Тэмпература паветра ўначы складзе ад мінус 3 да плюс 3 градусаў, удзень - 3-9 градусаў цяпла.