Пенсіянерка з Менску: Просім знаёмых, каб везлі лекі з-за замежжа
8- 21.02.2020, 11:54
- 14,732
Нават «льготныя» лекі не па кішэні большасці беларусаў.
Кошты тавараў і камунальныя плацяжы - галоўная праблема для паджылых беларусаў. Прэс-служба «Еўрапейскай Беларусі» апытала гараджан. Шмат хто шчыра кажа пра гэта і крытыкуюць чыноўнікаў і кіраўніка:
Ну 25 гадоў ва ўладзе. Трэба ўжо даць дарогу маладым. Ужо ва ўзросце і ўрад наш ва ўзросце - трэба мяняць. Ужо ўсё ж трэба дарогу маладым даваць.
Кошты ў крамах - жахлівыя, і таму пенсіянеры ў нас выжываюць ад пенсіі да пенсіі. А камуналка прыходзіць. Быццам і не вялікая сума, у рахунку 37-40 рублёў, а калі аплачваеш інтэрнэт (мы таксама карыстаемся інтэрнэтам), тэлефон, святло, атрымліваецца пенсіянерам патрэбна 100 рублёў аплаціць.
У кватэры ў мяне знаходзяцца двое інвалідаў. Інваліды другой групы. Быццам выпісваюць льготнае - 10 адсоткаў аплата, а ідзеш купляць - лекі нават за 10 адсоткаў дарагія. Таму я вельмі шкадую тых пенсіянераў і хворых людзей, якія за 100 адсоткаў лекі купляюць. Як ім выжываць за пенсію? Гэта жах! Мы просім дзяцей сваіх, знаёмых, хто ездзіць ва Украіну, Польшчу, Расею, каб прывозілі нам лекі.