26 верасня 2020, Субота, 18:38
Сім сім, Хартыя 97!
Рубрыкі

Фотафакт: Птушка, якой 46 тысяч гадоў

5
Фотафакт: Птушка, якой 46 тысяч гадоў

Яе знайшлі ў Сібіры.

У Сібіры каля вёскі Белай Гары выявілі на здзіўленне добра захаваныя парэшткі птушкі ледавіковага перыяду. Пра гэта піша tut.by са спасылкай на часопіс Communications Biology.

Гэтая птушка была знойдзеная мясцовымі паляўнічымі за косткамі маманта і перададзеная групе экспэртаў. Радыевугляроднае датаванне паказала, што яна жыла блізу 46 000 гадоў назад, а генетычны аналіз ідэнтыфікаваў яе як рагатага жаўрука (Eremophila alpestris).

Акрамя таго, даследаванне паказала, што птушка можа быць продкам двух падвідаў жаўрука, якія жывуць цяпер, адзін з якіх пражывае на поўначы Расеі, а іншы ў мангольскім стэпе. Гэта мае на ўвазе, што кліматычныя змены, якія адбыліся ў канцы апошняга ледавіковага перыяду, прывялі да ўзнікнення новых падвідаў.

Птушка захавалася ў значнай ступені дзякуючы холаду вечнай мерзлаты, але гэты ўзор знаходзіцца ў незвычайна добрым стане.

Навукоўцы, якія працуюць у гэтым раёне, таксама выявілі ўзоры целаў іншых старажытных жывёлін, такіх як ваўкі, маманты і шарсцістыя насарогі. Напрыклад, там быў знойдзены загадкавы шчанюк узростам 18 тысяч гадоў, які з'яўляецца ці то ваўком, ці то сабакам, ці то яшчэ нейкім відам.