Відэафакт: Турцыя разгарнула ў Ідлібе дальнабойны «Ураган»
- 22.02.2020, 10:24
- 28,108
Комплекс можа атакаваць цэлі ў аддаленых правінцыях.
Узброеныя сілы Турцыі разгарнулі ў сірыйскай правінцыі Ідліб рэактыўныя сістэмы залпавага агню (РСЗА) T-300 Kasirga («Ураган»). Кадры з праезду па Ідлібе гэтай тэхнікі апублікавала агенцтва IHA, на іх звярнула ўвагу газета Şarku'l Avsat, паведамляе lenta.ru.
На відэа патрапілі два такія комплексы, накрытыя брызентам.
Turkish Armed Forces deployed Hurricane guided missile systems to Idlib. Latakia, Aleppo and Hama are in the range of Hurricane. #Türkiye #Turkey #Rusya #Russia #Syria #Suriye #Idlib #Breaking pic.twitter.com/MeJL8fcQOS
— Aviation News (@cockpitherald) February 21, 2020
Kasirga – вельмi магутная і самая дальнабойная РСЗА арміі Турцыі. Калібр сістэмы складае 302 міліметры, далёкасць стральбы – да 100 кіламетраў. Такім чынам, знаходзячыся ў Ідлібе, Kasirga можа атакаваць цэлі ў такіх правінцыях, як Алепа, Хама і Латакія, якія знаходзяцца пад кантролем сірыйскай арміі.
Турцыя пачала актыўна нарошчваць сваю ваенную групоўку ў Ідлібе на фоне актыўнага наступу сірыйскай арміі ў студзені – лютым. 20 лютага пратурэцкія баевікі пры падтрымцы армейскай артылерыі перайшлі ў буйную контратаку ў раёне паселішча Найраб, аднак яна была адбітая супольнымі дзеяннямі сірыйскіх войскаў і расейскай авіяцыі.
