Twitter будзе змагацца з хлуснёй палітыкаў з дапамогай афарбоўкі пастоў

Фэйкі будуць вылучацца ярка-аранжавым колерам.

Сацыяльная сетка Twitter пад паведамленнямі грамадскіх дзеячаў і палітыкаў у найбліжэйшы час зможа пакідаць папярэджанні, што яны ўтрымліваюць некарэктную або фэйкавую інфармацыю, паведамляе NBC News (пераклад – liga.net).

Папярэджанні будуць напісаныя на ярка-аранжавым фоне. У іх будзе гаварыцца пра тое, што твіт змяшчае "шкодную дэзінфармацыю" і што праз гэта частата ягоных паказаў будзе зніжаная.

Мяркуецца, што пад папярэджаннем будуць размешчаныя твіты верыфікаваныя адміністрацыяй Twitter фактчэкераў, журналістаў ды іншых карыстальнікаў, якія атрымаюць адпаведныя правы аналагічна "Вікіпедыі". У іх будуць утрымлівацца каментары, у якіх тлумачыцца, што менавіта ў арыгінальным твіце з'яўляецца хлуснёй.

У Twitter падкрэслілі, што гэта толькі адзін з варыянтаў для барацьбы з дэзінфармацыяй, якія цяпер тэстуюцца.

Тэрміны ўвядзення новых функцый у кампаніі таксама не ўдакладнілі. Пры гэтым у Twitter адзначылі, што разглядаюць дэзінфармацыю як "крытычную праблему" супольнасці.

Раней у Twitter абвесцілі, што цалкам забараняюць палітычную рэкламу. У кампаніі не хочуць, каб палітычныя пастановы людзей былі скампраметаваныя таргетаванай рэкламай.

Пазней у кампаніі патлумачылі, што гаворка ідзе пра матэрыялы, якія ўтрымліваюць спасылкі на кандыдатаў, палітычных партый, абраных або прызначаных дзяржаўных чыноўніках, выбары, рэферэндумы, выбарчыя бюлетэні, заканадаўствы, пастановы, дырэктывы ці судовыя высновы.