На 23 лютага ў Беларусі абвясцілі аранжавы ўзровень небяспекі

Чакаецца парывісты вецер з хуткасцю да 15-20 м/с.

На нядзелю, 23 лютага, у Беларусі абвешчанае штармавое папярэджанне з аранжавым узроўнем небяспекі, паведамляе Белгідраметэацэнтр.

«Па большай частцы тэрыторыі краіны, у тым ліку і ў Менску, чакаецца парывісты вецер з хуткасцю да 15-20 м/с», - гаворыцца ў паведамленні.

Рэкамендацыі МНС пры моцным ветры:

прыбярыце рэчы з двара і балконаў у дом (склеп), абрэжце сухія дрэвы, якія могуць нанесці шкоду вашаму жыллю;

машыну пастаўце ў гараж ці прыпаркуйце удалечыні ад дрэў, а таксама слаба ўмацаваных канструкцый;

знаходзячыся на вуліцы, абыходзьце хісткія будынкі і дамы з няўстойлівым дахам;

пазбягайце дрэў і разнастайных збудаванняў павышанай рызыкі (мастоў, эстакад, трубаправодаў, ліній электраперадачы, патэнцыйна небяспечных прамысловых аб'ектаў).