У Італіі колькасць заражэнняў каронавірусам дасягнула паўсотні
10- 22.02.2020, 19:00
- 14,961
Ад каронавіруса ў Італіі памерлі ўжо два чалавекі.
На поўначы Італіі вірус Covid-19 выявілі ўжо ў 50 чалавек.
Пра гэта паведамляе «Европейская правда» са спасылкай на агенцтва ANSA.
У Ламбардыі зафіксаваная найбольшая колькасць выпадкаў заражэння - 39. Акрамя таго, 11 чалавек заразіліся ў рэгіёне Венета.
Паведамляецца таксама пра аднаго пацыента з сімптомамі рэспіраторных захворванняў у цэнтральнай вобласці Умбрыя. Адзначаецца, што гэтага чалавека, які мог падхапіць вірус у Ламбардыі, ізалявалі.
Найгоршы стан цяпер у 38-гадовага пацыента ў мястэчку Каданьё ў Ламбардыі.
Як паведамлялася, ад каронавіруса ў Італіі памерлі два чалавекі - мужчына і жанчына, абодвум было больш за 70 гадоў.
Дзесяць муніцыпалітэтаў рэгіёну ізалявалі, 250 чалавек, якія кантактавалі з інфіцыраванымі, знаходзяцца ў каранціне. Улады горада Крэмона закрылі школы і забаранілі дэманстрацыі, мэр раіць людзям не выходзіць з дому.
У рэгіёне Венета ўлады распарадзіліся прыпыніць працу навучальных устаноў.
Улады Італіі сцвярджаюць, што прымаюць усе неабходныя меры для прадухілення распаўсюджвання віруса.