У Нямеччыне зноў зафіксаваны прафіцыт грамадскіх бюджэтаў
7- 25.02.2020, 12:29
- 6,234
Гэта адбылося дзякуючы будаўнічаму буму, росту заробкаў і павелічэнню падатковых паступленняў.
У 2019 года ў Нямеччыне зноў зафіксаваны прафіцыт грамадскіх бюджэтаў. За год гэты паказчык склаў 49,8 млрд еўра, паведамляе Федэральнае статыстычнае ведамства ў Вісбадэне ў аўторак, 25 лютага. Паводле яго звестак, даходы перавысілі выдаткі восьмы раз запар, паведамляе dw.com.
Прафіцыт адзначаны ў бюджэтах усіх узроўняў - федэральным, зямельным, камунальным, а таксама ў касах абавязковага сацыяльнага страхавання. Агулам гэты паказчык складае 1,4% унутранага валавога прадукту.
Прафіцыту ўдалося дасягнуць у тым ліку дзякуючы буму ў будаўнічым сектары, а таксама павелічэнню падатковых паступленняў, чаму спрыялі добрая сітуацыя на рынку працы і рост заробку. Пры гэтым эканоміка ФРГ у 2019-м вырасла толькі на 0,6%. Гэта абумоўлена гандлёвымі канфліктамі і паслабленнем сусветнай эканомікі.
У Нямеччыне прафіцыт грамадскіх бюджэтаў расце ўжо некалькі гадоў запар. Так, у 2015 годзе ён склаў 19,4 млрд еўра, у 2016-м - 23,7 млрд еўра, у 2017-м - 36,6 млрд еўра, а годам пазней дасягнуў рэкорднага значэння 62,4 млрд еўра.