31 сакавiка 2020, aўторак, 18:32
Народны карантын
Рубрыкі

У ЗША вакцыну ад каранавіруса пачалі выпрабоўваць на людзях

2
У ЗША вакцыну ад каранавіруса пачалі выпрабоўваць на людзях

Прэпарат выпрабоўваюць на дарослых, інфіцыраваных COVID-19.

У Медыцынскім цэнтры ўніверсітэта Небраска пачалі даследаванні прэпарата супраць каранавіруса COVID-19 на пацыентах, у якіх пацверджана заражэнне.

Пра гэта паведамляе Нацыянальны інстытут здароўя ЗША, піша «УНІАН».

Гэта першае клінічнае даследаванне ў ЗША, якім спрабуюць ацаніць бяспеку і эфектыўнасць прэпарата, які прымаюць дарослыя пацыенты з дыягнаставаным каранавірусам.

Лекі даюць не ўсім пацыентам, а выбарачна. Першым удзельнікам выпрабавання падахвоціўся стаць чалавек, які заразіўся каранавірусам на круізным лайнеры Diamond Princess.

Адзначаецца, што вынікі гэтага выпрабавання могуць быць выкарыстаны для ацэнкі іншых даследаванняў - як у ЗША, так і ў свеце.

Аб успышцы пнеўманіі неўстаноўленага паходжання ў горадзе Ухань улады Кітая заявілі ў канцы снежня 2019 года. Узбуджальнікам хваробы стаў новы тып каранавіруса - 2019 nCoV. Ён перадаецца ад чалавека да чалавека, інкубацыйны перыяд доўжыцца ад 2 да 12 дзён.

Інфікаваныя каранавірусам выяўлены ў шэрагу краін. Больш за ўсё выпадкаў захворвання COVID-19 зафіксавана ў Кітаі, у апошнія дні каранавірус актыўна распаўсюджваецца ў Паўднёвай Карэі ды Італіі.

Улады ЗША тым часам заклікалі амерыканцаў рыхтавацца да каранавірусу.