Беларускія праваабаронцы сустрэліся з дырэктаркай БДІПЧ АБСЕ
2- 26.02.2020, 20:57
- 8,176
Падчас размовы было абмеркаванае становішча з правамі чалавека ў Беларусі.
Сустрэча дырэктаркі Бюро дэмакратычных інстытутаў і правоў чалавека (БДІПЧ) АБСЕ Інгіб’ёрг Сольрун Гісладоцір з беларускімі праваабаронцамі адбылася 26 лютага ў Менску, паведамляе «Вясна».
У сустрэчы ўзялі ўдзел старшыня Праваабарончага цэнтру «Вясна» Алесь Бяляцкі і старшыня Беларускага Хельсінкскага камітэта Алег Гулак.
Падчас размовы было абмеркаванае становішча з правамі чалавека ў Беларусі, асобна былі агучаныя пытанні палітычных пераследаў, рэалізацыя права на распаўсюд меркаванняў, права на мірныя сходы, назіранне падчас «выбараў» і іншыя.
Праваабаронцы таксама выказаліся пра неабходнасць у павелічэнні актыўнасці АБСЕ ў Беларусі.