Еўра абнавіў гадавы максімум
2- 27.02.2020, 14:07
- 10,065
Даляр трохі патаннеў.
На таргах у чацвер беларускі рубель крыху прыпыніў умацаванне даляра, але ўсё адно дэвальваваўся да еўра. Вартасць валютнага кошыка пакінула абсалютны максімум, патаннеўшы на 0,18%, піша select.by.
З пачатку тыдня кошык валют падаражэў на 0,18%, а з пачатку лютага ўжо на 2,30%.
Курс даляра апусціўся на 0,0038 BYN да 2,2340 BYN/USD і пакінуў гістарычны максімум, які да гэтага абнаўляўся чатыры разы запар.
З пачатку тыдня вартасць даляра вырасла на 0,0220 BYN (+0,99%), а з пачатку месяца на 0,0960 BYN (+4,49%).
З пачатку года курс амэрыканскай валюты падскочыў угору ўжо на 0,1255 BYN (+5,95%).
Кус еўра вырас на 0,0072 BYN да 2,4406 BYN/EUR.
Еўравалюта даражэе ўжо пяты дзень запар. Агульнае ўмацаванне за гэты час склала 0,0619 BYN. Гэта дазволіла курсу еўра ўзняцца да максімуму за 377 дзён. Да гістарычнага максімуму (2,4956 BYN/EUR) засталося 5,5 капеек.
Курс расейскага рубля ўпаў яшчэ на 0,0112 BYN да 3,4025 BYN/100 RUB да мінімуму за 23 дня, але гэта пакуль на 0,0168 BYN вышэй за ўзровень пачатку лютага.