Беларуская біятланістка спудлавала восем разоў і забылася прабегчы штрафное кола
18- 27.02.2020, 18:40
- 20,030
У выніку нацыянальная каманда Беларусі заняла 13-е месца.
27 лютага на чэмпіянаце Еўропы ў біятлоне ў Раўбічах пад Менскам прайшла змяшаная эстафета, піша euroradio.fm. Беларуска Ганна Сола на першым агнявым рубяжы адстралялася ідэальна, аднак на другім здарыўся жахлівы правал. Сола падчас стральбы стоячы спудлавала 8 разоў! Яна атрымала 5 штрафных колаў, з якіх прабегла 4. Праз тое, што пра адно штрафное кола Ганна забылася, беларуская нацыянальная каманда атрымала дзве хвіліны штрафу. Эстафету яна перадала Віктару Крыўко. У выніку нацыянальная каманда Беларусі заняла 13-е месца сярод 35 нацыянальных каманд. Калі б не дзве хвіліны штрафу, якія зарабіла Ганна Сола, было б 8-е месца.
У эстафеце перамагла Нарвегія, на другім месцы - Нямеччына, на трэцім - Украіна.
Пасля гонкі Сола адмовілася размаўляць з журналістамі.