Прынятая выніковая пастанова што да Грушаўскага сквера, за які змагаліся менчукі

Межы менскага сквера застануцца ранейшымі.

Прынятае выніковая пастанова ў пытанні захавання Грушаўскага сквера і забудовы кампаніі «Датч стар». Замест пяці секцый забудоўшчык пабудуе толькі дзве да межаў сквера, дзіцячы садок у сацыяльнай нагрузку пакінуць. Пра гэта tut.by паведамілі ў адміністрацыі Маскоўскага раёна.

Намеснік кіраўніка адміністрацыі Маскоўскага раёна Уладзімір Танкевіч распавёў, як у выніку захаваюць Грушаўскі сквер, за які змагаліся мясцовыя жыхары.

- Вырашана ў сквер забудоўшчыку не ўваходзіць, пабудаваць толькі дзве секцыі (замест першапачаткова запланаваных пяці. - Заўвага.) на пустцы да сквера. Межы сквера застануцца ранейшымі - 2,16 га.

Нягледзячы на гэта, сацнагрузка ў выглядзе дзіцячага сада ў гэтым раёне ў «Датч стар» застанецца. У Менгарвыканкама ёсць даручэнне знайсці месца ў горадзе для забудоўшчыка, дзе б ён мог дабудаваць свае тры секцыі.

- Дазвольныя дакументы, якія былі падпісаныя раней на будаўніцтва, будуць адмяняцца. Пад даручэнне будзе прымацца новае рашэнне, якое дазваляе выкананне работ.

Працы на аб'екце ніхто не забараняў, будаўнікі ўвесь гэты час працавалі над двума секцыямі.

- Першыя дзве секцыі яны могуць будаваць як пускавы комплекс, праектная дакументацыя ў іх ёсць. Астатнія дакументы яны могуць карэктаваць паралельна. Усе неабходныя рашэнні будуць адкарэктаваныя.

Журналісты таксама папрасілі намесніка кіраўніка раёна пракаментаваць, на падставе чаго «Датч стар» выдзелілі ўчастак для будаўніцтва - гэта быў аўкцыён, інвестдамовы або заява ад забудоўшчыка?

- Без каментароў, - сказаў Танкевіч.

Афіцыйныя дакументы што да гэтага пытання мясцовыя жыхары яшчэ не атрымалі.

Нагадаем, мясцовыя жыхары актыўна выступалі за захаванне Грушаўскага сквера, часткі якога яны могуць пазбавіцца праз будаўніцтва шматпавярховага дома з падземнай паркоўкай «Гранд Хаўс». Людзі выходзілі на акцыі, выклікалі міліцыю на будаўнікоў, якія ставілі агароджу, звярталіся ў відэазапісу да Лукашэнкі. Пасля гэтага хадзілі на прыём да кіраўніка «савета рэспублікі».