20 кастрычнiка 2020, aўторак, 8:39
Сім сім, Хартыя 97!
Рубрыкі

Каранавірус у Беларусі: чарга хуткіх дапамог і ажыятаж з маскамі

131
Каранавірус у Беларусі: чарга хуткіх дапамог і ажыятаж з маскамі
Фото: Тасс

Што цяпер адбываецца ў краіне?

Учора стала вядома аб тым, што ў 21-гадовага іранскага студэнта БНТУ дыягнаставалі каранавірус. Хлопец прыляцеў у Беларусь рэйсам з Баку 22 лютага. Тых, хто з ім быў у самалёце, а таксама аднагрупнікаў і выкладчыкаў учора медыкі адвезлі ў інфекцыйную лякарню і шпіталь у Бараўлянах. Вынікі Міністэрства аховы здароўя абяцае агучыць сёння, як і колькасць тых, хто знаходзіцца на карантыне, паведамляе onliner.by.

Чэргі ў інфекцыйную лякарню

Учора позна ўвечары жыхар Менска паведаміў пра чэргі ў інфекцыйную лякарню.

- Машыны з'язджаюць і прыязджаюць, - распавядае ён. -За гадзіну ў шпіталь прыбыло недзе 50 хуткіх. Зараз, бліжэй да паўночы, чарга стала меншая: стаіць 6-8 аўтамабіляў.

Таксама ў Telegram-каналах сталі з'яўляцца відэа, як увечары ў інтэрнаты студэнтаў БНТУ прыходзяць медыкі ў масках і ахоўных халатах.

Міністэрства аховы здароўя патлумачыла, што гэта студэнты і выкладчыкі, якія кантактавалі з іранскім студэнтам. Кожнага з іх трэба было везці на асобным аўто хуткай.

Палаткі каля лякарні

Акрамя гэтага, высветлілася, што ўначы ў двары сталічнай інфекцыйнай лякарні на Крапоткіна паставілі намёты. Для чаго? Раніцай прыйшоў адказ ад Міністэрства аховы здароўя і МНС: такія санітарна-эпідэміялагічныя нормы.

Аптэкі і чэргі па маскі

Мы схадзілі па аптэках і праверылі, як там сітуацыя. Людзі стаяць па медыцынскія маскі, сродкі дэзінфекцыі і супрацьвірусныя прэпараты. Высветлілася, што маскі скупляюць у велізарных колькасцях. Між тым у краіне выпускаецца блізу 200 000 марлевых і больш як 40 000 аднаразовых масак. Чыноўнікі кажуць, што на наступным тыдні ў аптэках чакаецца пастаўка больш як 1,6 млн штук.

Правяраць на каранавірус

Адзін з чытачоў выдання Віталь Пятровіч вярнуўся з-за мяжы і вырашыў праверыцца на каранавірус. Выпрабаваць, так бы мовіць, на сабе. Кажа, што ўзялі аналізы і адпусцілі дадому. Як знойдуць вірус - патэлефануюць.

Як я магу абараніць сябе і прадухіліць распаўсюджванне захворвання?

У большасці выпадкаў захворванне характарызуецца лёгкім цячэннем і заканчваецца акрыяннем, хоць сустракаюцца ўскладненні. Абараніць сваё здароўе і здароўе навакольных можна, выконваючы наступныя правілы:

- рэгулярна апрацоўвайце рукі спіртазмяшчальным сродкам або мыйце іх з мылам. Калі на паверхні рук прысутнічае вірус, то апрацоўка рук спіртазмяшчальным сродкам або мыццё іх з мылам заб'е яго;

Фото: onliner.by

- трымайцеся на адлегласці не менш за адзін метр ад людзей, якія кашляюць ці чхаюць;

- па магчымасці не чапайце рукамі вочы, нос і рот. Рукі дакранаюцца да многіх паверхняў, і на іх можа трапіць вірус. Апынуўшыся на руках, вірусныя часціцы могуць трапляць у вочы, нос або рот. З гэтых частак цела вірус можа ўкараняцца ў арганізм і выклікаць захворванне;

Фото: onliner.by

- як вам, так і навакольным варта строга выконваць правілы рэспіраторнай гігіены. Для гэтага неабходна прыкрываць рот або нос згібам локця або сурвэткай пры кашлі або чханні. Выкарыстаную сурвэтку трэба адразу ж выкінуць;

- калі вы дрэнна сябе адчуваеце, заставайцеся дома. Пры падвышэнні тэмпературы, з'яўленні кашлю і цяжкага дыхання як мага хутчэй звяртайцеся па медыцынскую дапамогу. Выконвайце ўказанні мясцовых органаў аховы здароўя.