Камеры хуткасці будуць «лавіць» тых, хто не прайшоў тэхагляд

Як гэта будзе працаваць?

Прэс-сакратар арганізацыі, якая займаецца устаноўкай, эксплуатацыяй і абслугоўваннем сістэм фіксацыі правапарушэнняў Аляксандр Хількевіч распавёў, колькі кіроўцаў перавышаюць дазволеную хуткасць, і што яшчэ навучацца рабіць камеры, піша The Village.

- Вымярэнні ў тэставым рэжыме паказваюць, што ў сярэднім на адцінку дарогі з хуткасным рэжымам 90 км/г, ад 30 да 50% аўтамабіляў рухаюцца з перавышэннем дапушчальнага значэння. Гэта суправаджаецца досыць высокай ступенню рызыкі ўчынення ДТЗ. Парушэнне ўстаноўленай хуткасці - адзін з найважнейшых чыннікаў, на які неабходна ўплываць, за гэтым стаяць жыцці людзей. Дарэчы, кожнае трэцяе ДТЗ учыняецца ў тым ліку з прычыны невыканання хуткаснага рэжыму. Пры гэтым у кожным здарэнні хуткасць мае істотны ўплыў на цяжар наступстваў.

Усяго ж камер, якія знаходзяцца ў эксплуатацыі, - 540. З іх 483 - стацыянарнага выканання, 57 - мабільныя.

Вельмі важны прафілактычны эфект. Як толькі на пэўным адцінку дарогі з'яўляецца пазначаны спецыяльным знакам датчык кантролю хуткасці, колькасць парушэнняў зніжаецца да 1-2%, а на асобных адцінках іх і зусім не адбываецца. Гэта сведчыць аб тым, што кіроўцы разумеюць, што знаходзяцца пад наглядам. У тэставым рэжыме ўжо працуюць пілотныя зоны, дзе вымяраецца сярэдняя хуткасць руху. Гэта дазваляе больш эфектыўна стымуляваць кіроўцаў рухацца з усталяванай хуткасцю на даволі працяглых адцінках дарог.

Сёння тэхнічна магчыма правядзенне фотафіксацыі аўтамабіляў, якія не прайшлі тэхагляд або не маюць допуску да ўдзелу ў дарожным руху. Гаворка можа ісці і, напрыклад, пра чыгуначны пераезд на забараняльны сігнал святлафора - абсталяванне праграмуецца пад пэўны функцыянал. Акрамя таго, 136 датчыкаў ажыццяўляюць сёння яшчэ адну вельмі карысную і неабходную функцыю - маніторынг транспартнай плыні. Гэта значыць кожны рэгістрацыйны знак, які прайшоў праз такія датчыкі, запісваецца і змяшчаецца ў асобны архіў. Гэтыя звесткі паспяхова выкарыстоўваюцца сілавымі структурамі для правядзення аператыўна-вышуковых мерапрыемстваў.