Памёр рэжысёр Барыс Луцэнка

Народнаму артысту Беларусі было 82 гады.

У Менску памёр легендарны рэжысёр Барыс Луцэнка. Пра гэта паведамілі ў Горкаўскім тэатры, якому майстар аддаў амаль паўстагоддзя.

Народнаму артысту Беларусі было 82 гады. Апошнім часам ён цяжка хварэў, мала з'яўляўся на публіцы. Барыс Луцэнка паставіў больш за сто спектакляў на сцэнах Беларусі, Расеі, Украіны, Латвіі, Літвы, Нямеччыны і Швайцарыі. Сярод найлепшых работ - «Макбет», «Гамлет», «Рэвізор».

Развітанне з выбітным рэжысёрам адбудзецца ў пятніцу ў ягоным родным Горкаўскім тэатры.