Відэахіт: Гуллівы каёт і марудлівы барсук падарожнічаюць разам
- 6.02.2020, 17:29
- 24,398
Кліп набірае папулярнасць у Сеціве.
У Каліфорніі ў раёне Сан-Францыска даследчыкі жывёл усталявалі каля паўсотні камер для назірання за фаўнай штата. Гэтым разам у кадр патрапіла дзіўная і вясёлая пара - каёт і барсук. Звяры, знятыя ў начны час пры інфрачырвоным асвятленні, удваіх прабіраюцца па пераходзе для дзікіх жывёл пад шашой у Паўночнай Каліфорніі, у гарах Санта-Круз, піша «Вокруг света».
Відэа чароўнага дуэту размясціла на сваёй старонцы ў Facebook арганізацыя Peninsula Open Space Trust, якой належаць камеры. Запісы робяцца, у тым ліку, для таго, каб усталяваць, якія звяры і як часта карыстаюцца адмысловымі пераходамі для жывёл пад\над шашой.
Відэа знялі яшчэ ў лістападзе 2019 года, але ўвага на яго звярнулі толькі ў лютым 2020-га.
Вядома, што каёты і барсукі часам палююць разам. Рацыён у іх супадае, а таленты дапаўняюць адзін аднаго. Барсук раздзірае ўваход у нару і выганяе яе насельніка прама на каёта.
Менавіта гэта, відавочна, збіраюцца рабіць героі новага кліпа, які набірае папулярнасць у Інтэрнэце. Аднак асаблівым гэта відэа робіць той факт, што каёт, відавочна, гуляе з барсукоў, як быццам падганяючы яго: «Ну колькі можна чакаць, прыяцель?»