Сіноптыкі: У Беларусь вернецца цяпло

Прагноз надвор'я на гэтыя выходныя.

У выхадныя і на наступным тыдні нас чакае пераменлівае надвор'е - яшчэ ў суботу будуць маразы, затым пацяпленне, якое прынясе нам аранжавы ўзровень небяспекі. Пра гэта tut.by распавялі ў Белгідрамеце Мінпрыроды.

8 лютага, у суботу, надвор'е на большай частцы тэрыторыі Беларусі будзе вызначаць франтальны раздзел, які перамяшчаецца з Фінляндыі, на паўднёвым захадзе захаваецца ўплыў вобласці павышанага атмасфернага ціску - будзе воблачна з прасвятленнямі. Уначы ў паўночнай палове, зранку і ўдзень на большай частцы краіны пройдзе снег, мокры снег. У дзённы час месцамі туман, галалёд. На асобных адцінках дарог галалёдзіца. Вецер заходні, паўночна-заходні сярэдні. Тэмпература паветра мінімальная ўначы -4...9°С, месцамі -10...13°С, максімальная ўдзень -3...+3°С.

Але так прахалодна па мерках гэтай зімы будзе толькі ў суботу. Ужо ў нядзелю зноў актывізуецца цыкланічная дзейнасць у Атлантыцы, якая пачне адзін за адным адпраўляць на кантынент атмасферныя віхуры, зусім не даючы магчымасці халоднаму паветру Арктыкі прарвацца ў паўднёвыя шыроты. А гэта азначае, што не толькі ў большасці краін Заходняй Еўропы, але і ў нас зноў будзе звыклы для цяперашняй зімы павышаны тэмпературны фон.

9 лютага, у нядзелю, ужо больш цёплая паветраная маса пачне паступаць у Беларусь з суседняй Польшчы. Тэмпература паветра ўначы складзе 0...-7°С, удзень 0...+6°С. Уначы і ўранку у асобных раёнах пройдуць невялікія кароткачасовыя ападкі, пераважна мокры снег, удзень у асноўным будзе без ападкаў. Уначы і раніцай месцамі слабыя туман і галалёд, на дарогах галалёдзіца. Вецер заходні, паўднёва-заходні сярэдні, удзень месцамі парывісты.

10 лютага, у панядзелак, Беларусь будзе знаходзіцца на перыферыі магутнага атлантычнага цыклону, які трымае шлях на Скандынаўскі паўвостраў. У нашу краіну ён прынясе некамфортнае надвор'е з моцным парывістым паўднёва-заходнім ветрам - аранжавы ўзровень небяспекі. Яшчэ ўначы істотных ападкаў не прагназуецца, а раніцай і ўдзень на большай частцы тэрыторыі Беларусі пройдуць ападкі - мокры снег, які будзе пераходзіць у дождж. Тэмпература паветра ўначы -5...+2°С, удзень +1...8°С. Уначы і раніцай на асобных адрэзках дарог галалёдзіца.

Агулам наступны тыдзень будзе характарызавацца павышаным тэмпературным фонам і вялікай колькасцю ападкаў. Вецер да сярэдзіны тыдня паступова аслабее.