Вайсковец у Тайландзе расстраляў 17 чалавек і захапіў закладнікаў
- 8.02.2020, 19:56
- 14,394
У палоне знаходзіцца 16 чалавек.
Вайсковец у Тайландзе забіў 17 чалавек у горадзе Корат на паўночным усходзе Тайланда, яшчэ 16 чалавек ён трымае ў закладніках, піша «Новое время».
Пра гэта паведамляе Тhe Bangkok Post са спасылкай на крыніцу ў экстранных службах.
Яшчэ 14 чалавек атрымалі раненні.
Спачатку салдат забіў камандзіра і дваіх таварышаў па службе, пасля чаго адправіўся ў гандлёвы цэнтр. У гандлёвым цэнтры ён страляў па наведвальніках і ўтрымліваў 16 чалавек у закладніках.
«Я стаміўся. Я не магу паварушыць пальцам. Ці павінен я здацца?» - напісаў салдат у адной з сацыяльных сетак.