Каронавірус упершыню дыягнаставаны ва ўкраінца

Ён знаходзіцца на борце лайнера Diamond Princess.

У аднаго з украінцаў на борце круізнага лайнера Diamond Princess дыягнаставаны каронавірус 2019-n-CoV, піша агенцтва AP News (пераклад - zn.ua). На борце судна знаходзяцца 25 грамадзян Украіны.

У суботу, 8 лютага, на судне зафіксавалі яшчэ шэсць выпадкаў заражэння «Уханьскім вірусам», агульная колькасць тых, хто захварэў - 70 чалавек. Каронавірус дыягнаставалі ў турысткі з ЗША і пяці сябраў экіпажа - чатырох філіпінцаў і ўкраінца.

Лайнер стаіць на рэйдзе ў акваторыі Ёкагаме (Японія), на яго борце аб'яўлены каранцін. На борце судна знаходзяцца 3711 чалавек: 2666 пасажыраў і 1045 сябраў экіпажа, грамадзяне 57 краін. Паводле папярэдніх звестак, пасажыры і экіпаж заразіліся ад 80-гадовага турыста з Кітая, ён сышоў на бераг у Ганконгу 1 лютага.

Паводле стану на нядзелю, 9 лютага, колькасць заражаных каронавірусам у Кітаі складае 27 198 чалавек. Памерлі 811 чалавек. Выпадкаў заражэння каронавірусам ва Украіне не зафіксавана.

Сусветная арганізацыя аховы здароўя абвясціла агмень каронавіруса 2019-nCoV «надзвычайнай сітуацыяй у галіне грамадскай аховы здароўя, якая мае міжнароднае значэнне». У СААЗ асцерагаюцца, што вірус патрапіць на тэрыторыю краін са слабай сістэмай аховы здароўя.

Улады КНР увялі жорсткі каранцін ва Ухані і іншых гарадах, дзе зафіксавана ўспышка захворвання. Вылеты турыстычных груп з Кітая прыпыненыя.