Названыя самыя прадаваныя ў Беларусі аўтамабілі гэтай зімы

За першыя два месяцы 2020 года Беларусі было рэалізавана 8 773 аўтамабілі.

Гэта амаль на 39% менш у параўнанні з аналагічным перыядам 2019-га. Сярод самых запатрабаваных брэндаў па-ранейшаму лідаруе расейская Lada, а першынство ў продажах утрымлівае Lada Vesta, піша av.by.

Паводле звестак Беларускай аўтамабільнай асацыяцыі (БАА), усяго Lada рэалізавала ў студзені і лютым 2020 года 1 948 машын. Найбольш папулярнай мадэллю маркі, як і на рынку агулам, стала «Веста». У новым годзе ёй аддаў перавагу 921 пакупнік. Другім у запатрабаванасці аўтамабілем расейскага вытворцы значыцца Lada Granta (425 адз.) - шостае месца сярод лідараў продажаў за мінулыя два месяцы.

У адным з дылерскіх цэнтраў Lada адзначылі, што папулярнасць маркі ў Беларусі абумоўленая шэрагаў фактараў. У першую чаргу разнастайнасцю мадэляў і цэнавых сегментаў, а таксама развітай дылерскай сеткай.

- Што датычыцца «сямейства» аўтамабіляў Vesta, варта ўдакладніць, што тут поспеху паспрыяла наяўнасць у ім як традыцыйных седанаў і ўніверсалаў, так і іх крос-версій з вялікім дарожным прасветам. Мадэллю Vesta, якая найбольш цэніцца пакупнікамі і цягам мінулага года, і ў пачатку цяперашняга быў і застаецца крос-універсал LADA Vesta SW Cross, які спалучае ў сабе камфорт і змяшчальнасць легкавога аўтамабіля і пазадарожныя магчымасці сучаснага красовера, - распавялі ў прадстаўніцтве.

На другой пазіцыі ў спісе аўтабрэндаў размяшчаецца Renault: вынік 1 811 рэалізаваных за названы тэрмін аўто дазволіў займець кампаніі 21% долю беларускага рынку. Яе бэстсэлер Logan Stepway (733 прададзеныя асобнікі) у ТОП-20 таксама заняў другі радок. Ужо абазначылася ў спісе самых запатрабаваных аўтамабіляў у РБ Arkana, якая адносна нядаўна выйшла. Яна на 19 месцы, здолеўшы знайсці за справаздачны перыяд 120 пакупнікоў.

Беларуска-кітайскі Geely змог уварвацца ў тройку лідараў з 1 106 рэалізаванымі машынамі. Для заваёвы «бронзы» ў брэнда былі ўсе перадумовы: калі ў 2017-м аб'ём вытворчасці складаў усяго 480 аўтамабіляў, то ўжо у 2018-м ён вырас амаль у 10 разоў. Мінулы год кампанія скончыла з вынікам 20 151 выпушчаную машыну (6 894 транспартных сродкаў прададзеныя на тэрыторыі Беларусі).

Найбольш папулярным застаецца Atlas, які займае 4-е месца ў агульным спісе. За два месяцы 2020 года рэалізавана 547 красовераў. Характэрна, што гучная прэм'ера лютага - «паркетнік» Coolray - ужо ўвайшоў у дзясятку самых запатрабаваных мадэляў, пераадолеўшы мяжу 148 прададзеных асобнікаў.

Volkswagen (883 штукі) зрушыўся на чацвёртую пазіцыю. Яго бэстсэлер Polo Sedan прадэманстраваў станоўчую дынаміку ў мінулым месяцы (у параўнанні са студзенем 2020-га) і апынуўся на трэцім месцы ў ТОП-20. Цікавасць да мадэлі, імаверна, вырасце пасля таго, як у продаж паступіць новае пакаленне Polo, які з седана ператворыцца ў ліфтбек. Чакаецца, што аўтамабіль будзе даступны для набыцця летам.

Замыкае пяцёрку па-ранейшаму карэйская марка Kia - 662 аўто. Яе бюджэтная мадэль Rio таксама размясцілася на пятым радку: седану аддалі перавагу 479 беларусаў.

Красовер Sportage у параўнанні са студзенем зрушыўся ў лютым у агульным рэйтынгу на адну пазіцыю ўніз, саступіўшы 15-е месца яшчэ аднаму «карэйцу» - Hyundai Accent, які ў сваю чаргу страціў два радкі ў ТОПе.