8 красавiка 2020, Серада, 22:33
Заставайся дома!
Рубрыкі

Беларускай кінарэжысёрцы прысудзілі ў ЗША «прарыўную» прэмію

Беларускай кінарэжысёрцы прысудзілі ў ЗША «прарыўную» прэмію
КАДР З ФІЛЬМА «КРЫШТАЛЬ». КРЫНІЦА: LOCO-FILMS.COM

Дар'я Жук атрымала прэмію за фільм «Крышталь».

Беларускай кінарэжысёрцы Дар'і Жук прысудзілі за фільм «Крышталь» прэмію Nick Louvel Breakthrough Filmmaker Award. Пра гэта гаворыцца на сайце прэміі, піша «Беларусь и мир».

Тлумачыцца, што яна ўручаецца стваральнікам мастацкіх фільмаў, «якія зрабілі ўнікальны ўнёсак у кіно сваім рэжысёрскім бачаннем, запалам да справы і адданасцю».

Рэцыпіент атрымлівае грант 5 тысяч даляраў. Ён таксама будзе запрошаны ў знакаміты Лінкальн-цэнтр у Нью-Ёрку для прэзентацыі сваёй працы.

Як адзначаецца на сайце, Дар'я «стараецца распавядаць пацешныя, бессаромна заблытаныя гісторыі пра заўсёды моцных, разнастайных і часам шакавальных жанчынах».

Прэмія Nick Louvel Breakthrough Filmmaker Award названая імем амерыканскага рэжысёра Ніка Лоўвела, які загінуў у аўтакатастрофе ва ўзросце 34 гады.

У апісанні сказана, што яна заснаваная ў партнёрстве з IFP Marcie Bloom Fellowship in Film - ментарскай праграмай для студэнтаў і выпускнікоў кінематаграфічных навучальных устаноў.