29 сакавiка 2024, Пятніца, 8:45
Падтрымайце
сайт
Сім сім,
Хартыя 97!
Рубрыкі

Валерый Карбалевіч: Ён гуляе з агнём

12
Валерый Карбалевіч: Ён гуляе з агнём
ВАЛЕР КАРБАЛЕВІЧ

Адмаўляючыся ўводзіць карантын, дыктатар вельмі рызыкуе.

Чаму Лукашэнка рэагуе на каранавірус не так, як усе навокал?

Палітычны аглядальнік Валер Карбалевіч тлумачыць дзіўную рэакцыю беларускіх уладаў на бяду, з якой змагаецца ўвесь свет.

«Існуюць відавочныя матывы, якія ляжаць на паверхні, і якія вынікаюць з той філасофіі, якую вызнае існы рэжым. Галоўнае ў краіне - не асобны чалавек, а дзяржава. А ў дзяржаве павінен быць парадак. Паніка і парадак - рэчы несумяшчальныя, - піша Валерый Карбалевіч у сваім блогу на «Радыё Свабода». - Акрамя таго, у аўтарытарнай дзяржаве не існуе прамой адказнасці, падсправаздачнасці ўлады перад грамадствам. Улада не залежыць ад галасоў выбарцаў.

Да таго ж дыктатар, на думку палітолага, заўсёды бачыць нейкую канспіралогію ў тым, што адбываецца і гатовы вінаваціць сусветнае закуліссе - няхай гэта будзе сусветны крызіс ці птушыны грып.

- Думаю, нейкае такое бачанне сітуацыі ў яго і цяпер, - адзначае Валерый Карбалевіч. - Але, займаючы такую пазіцыю, Лукашэнка вельмі рызыкуе. Калі сітуацыя з каранавірусам пойдзе ў Беларусі паводле негатыўнага сцэнару, не дай Бог, пачнуць паміраць людзі, то ўсе будуць вінаваціць менавіта яго. Чаму не перастрахаваўся, не пайшоў на прэвентыўныя захады, не зрабіў таго, што робяць суседзі? Цяперашняя палітыка - гэта гульня з агнём.

Не менш цікавы сюжэт - гэта рэакцыя Лукашэнкі на закрыццё Расеяй межаў з Беларуссю.

- Перш за ўсё таму, што згаданай пастановай закрыць мяжу Масква дэманструе, што з яе пункту гледжання напраўду ніякага «саюзнай дзяржавы» не існуе, - тлумачыць Валерый Карбалевіч. - Беларусь шмат гадоў прэтэндуе на статус найбліжэйшага, асаблівага, эксклюзіўнага хаўрусніка Расеі. І вось такой пастановай Расейская Федэрацыя нішчыць такі вобраз. Глядзіце, Расея закрыла межы з Кітаем, Латвіяй, Украінай, Малдовай. І вось цяпер з Беларуссю. А, напрыклад, з Казахстанам або Азербайджанам межы не закрытыя. І як гэта можна трываць?

Таксама Лукашэнку абурыў сам тэрмін «закрыццё мяжы».

- Гэта таксама ўдар па асабістым іміджы Лукашэнкі. Ён жа вельмі ганарыцца тым, што акурат адкрыў мяжу з Расеяй (выкапаў памежны слуп з Віктарам Чарнамырдзіным). А цяпер Масква руйнуе ягоны подзвіг.

Напісаць каментар 12

Таксама сачыце за акаўнтамі Charter97.org у сацыяльных сетках