У Польшчы каранавірусам заразіліся ўжо 205 чалавек

Пяцёра з іх памерлі.

У Польшчы зафіксавана 28 новых выпадкаў каранавіруснай інфекцыі, пацверджаных станоўчым вынікам лабараторных даследаванняў, паведамілі ў аўторак раніцай у Міністэрстве аховы здароўя краіны, паведамляе tvn24.pl.

Таксама паведамляецца, што пяты чалавек з каранавіруснай інфекцыяй памёр у шпіталі ў Валбжыху. «Ён 57-гадовы мужчына, які меў спадарожныя захворванні», - паведамляе Міністэрства аховы здароўя Польшчы.

У цэлым колькасць заражаных каранавірусам у Польшчы складае 205 чалавек.