Народны карантын: студэнты МДЛУ абвясцілі байкот заняткаў
27- 19.03.2020, 10:25
- 28,601
Страйк прызначаны на 23 сакавіка.
Студэнты Менскага дзяржаўнага лінгвістычнага ўніверсітэта пішуць пра тое, што з 23 сакавіка не выходзяць на пары праз пандэмію каранавіруса, паведамляе тэлеграм-канал «Баста».
- Ідэя з подпісамі зазнала крах, рэктар адправіў супраціўляцца заразе народнымі сродкамі, трактарамі і гарэлкай, - пішуць ініцыятары акцыі. - Застаецца адзіны варыянт, гэта масава не прыйсці на заняткі ў панядзелак 23 сакавіка.
Чаму панядзелак?
Шмат у каго сярод тыдня ёсць дні самападрыхтоўкі, таму лепш за ўсё абраць панядзелак, каб акцыя сапраўды атрымалася масавай. Пасля нядзелі, якая з'яўляецца выходным, гэта сапраўды будзе выглядаць, як знак адзінства студэнтаў у гэтым пытанні!
Студэнты МДЛУ заклікаюць калег з іншых ВНУ краіны праявіць салідарнасць і падтрымаць страйк.