Маск: Tesla гатовая вырабляць апараты для штучнай вентыляцыі лёгкіх

Гэтыя апараты сёння крытычна важныя.

Кіраўнік Tesla Ілон Маск заявіў, што ягоная кампанія гатова пачаць вытворчасць апаратаў штучнай вентыляцыі лёгкіх.

Пра гэта ён напісаў у Twitter.

«Мы будзем вырабляць апараты штучнай вентыляцыі лёгкіх, калі будзе іх недахоп», - адказаў ён на просьбу падпісчыка перакваліфікаваць фабрыку для выканання гэтай задачы.

У сітуацыі з каранавірусам апараты штучнай вентыляцыі лёгкіх крытычна важныя - яны з'яўляюцца ключавым элементам у лячэнні людзей з COVID-19, якія маюць цяжкія ўскладненні дыхальнай сістэмы і маюць патрэбу ў шпіталізацыі.